Yevlaxda Xalqımızın Ümummilli Lideri Heydər Əliyevin əziz xatirəsi böyük ehtiramla anıldı
12 dekabr 2023 | 11:11
Yevlaxda Xalqımızın Ümummilli Lideri Heydər Əliyevin əziz xatirəsi böyük ehtiramla anıldı
12 dekabr müstəqil Azərbaycanın memarı və qurucusu, xalqımızın əvəzsiz lideri, ölkəmizin aydın sabahı naminə həyatını belə əsirgəməyən, Azərbaycan xalqının böyük oğlu,Ulu Öndəri, dünyanın ən böyük Azərbaycanlısı Ümummilli Lider Heydər Əliyevin əbədiyyətə qovuşmasından 20 il keçir. Lakin xalqımız Dahi Şəxsiyyətin nurlu xatirəsini bir an belə unutmur, Onun idealarına böyük sədaqət nümayiş etdirir. Heydər Əliyevin həyat və fəaliyyətinin müxtəlif dövrlərinə nəzər salsaq görərik ki, Ulu Öndər Heydər Əliyev müasir müstəqil Azərbaycanın milli tarixinin yaradıcısıdır.
Anım günü münasibətilə Yevlax Şəhər İcra Hakimiyyətinin Başçısı Anar Tağıyev, YAP Yevlax rayon təşkilatının sədri Rafiq Əliyev, Şəhər İcra Hakimiyyəti Başçısı aparatının kollektivi, rayonun hüquq-mühafizə orqanlarının, idarə, müəssisə, təşkilatların rəhbərləri və ictimaiyyət nümayəndələri Ulu Öndər Heydər Əliyevin şəhərin mərkəzində ucalan abidəsini ziyarət edib, abidə önünə gül-çiçək dəstələri düzərək,Onun əziz xatirəsini dərin minnətdarlıq hissi ilə anıblar.
Keçidlər
