Yevlaxda uşaqlar üçün yeni il şənliyi keçirildi
Yevlaxda uşaqlar üçün yeni il şənliyi keçirildi
Yevlax şəhərindəki Heydər Əliyev prospekti 6 və 8 saylı binaların əhatə etdiyi abadlıq, quruculuq işləri başa çatdırılaraq sakinlərin istifadəsinə verilən həyətdə Şəhər İcra Hakimiyyəti tərəfindən 31 dekabr Dünya Azərbaycanlılarının Həmrəyliyi Günü və Yeni İl münasibətilə şəhərimizin kiçik sakinləri üçün bayram şənliyi keçirildi.
Tədbirdə Yevlax Şəhər Mədəniyyət Mərkəzinin nəzdində fəaliyyət göstərən Kukla “Xalq” teatrı tərəfindən “Qış nağılı” adlı əyləncəli tamaşa nümayiş etdirildi. Həmçinin mədəniyyət işçilərinin ifa etdikləri mahnılar, nümayiş etdirdikləri rəqslər və səhnəciklər, eləcə də Şaxta baba və Qar qızın, nağıl personajlarının məzəli hərəkətləri kiçik yaşlı tamaşaçıların alqışları ilə qarşılandı. Uşaqlar Yeni il küknarı ətrafında dövrə vuraraq, mahnı və şeirlər ifa ediblər. Şənlik uşaqlarda xoş əhval-ruhiyyə yaratdı, balacalara əsl bayram ovqatı bəxş etdi və onlara əyləncəli anlar yaşatdı.
Maraqlı konsert proqramı ilə keçən şənlikdə uşaqlara Şəhər İcra Hakimiyyəti tərəfindən hədiyyələr paylanıldı.
