Yevlaxda ümumtəhsil məktəbləri arasında 2 Fevral – Gənclər Gününə həsr edilmiş intellektual yarış keçirilib
Yevlax Şəhər İcra Hakimiyyətinin, Gənclər və İdman İdarəsinin və Mərkəzi Aran Regional Təhsil İdarəsinin Yevlax şəhər sektorunun birgə təşkilatçılığı ilə “Gənclər Həftəsi” çərçivəsində 2 Fevral – Azərbaycan Gəncləri Gününə həsr edilmiş intellektual yarış keçirilib.
Yarışın keçirilməsində məqsəd məktəblilərin şəxsi inkişafının təmin olunması, bilik və bacarıqlarının, dünyagörüşlərinin artırılması, asudə vaxtlarının səmərəli dəyərlədirilməsi, yarış bacarıqlarının formalaşdırılmasına nail olmaqdır.
4 mərhələdən ibarət olan intellektual yarışda hər mərhələ üzrə əsasən “Ümummilli lider Heydər Əliyevin həyat və yaradıcılığı”, “Coğrafiya”, “Tarix”, “İdman”, “Ümumdünya görüşü”, “Azərbaycan ədəbiyyatı”na aid 15 sual səsləndirilib. Maraqlı keçən mübarizə nəticəsində 4 komanda arasında yüksək xal toplayan “Zirvə” komandası I yerə, “İstiqlal” komandası II yerə, Qələbə” komandası isə III yerə layiq görülüb.
Sonda təşkilatçı qrumlar tərəfindən yarışın qalibi olan komanda kubok və diplomla, II və III yerin qalibi komandalar isə diplomlarla təltif olunublar.
