Yevlaxda ümumşəhər iməcliyi keçirilib

17 iyun 2023 | 13:36

İyunun 15-də Yevlax rayonu ərazisində güclü külək əsməsi və şiddətli yağış yağması nəticəsində şəhər təsərrüfatına xeyli ziyan dəyib. Belə ki, şəhərin bir sıra yerlərində ağaclar, yaşıllıqlar qırılıb, şəhərin küçə və prospektlərindəki işıqlandırma dirəkləri zədələnib, bir neçə binanın dam örtüyünə ziyan dəyib.

Təbii fəlakətin fəsadlarının aradan qaldırılnması və şəhərdə təmizlik-abadlıq işlərinin görülməsi məqsədi ilə Yevlax Şəhər İcra Hakimiyyəti tərəfindən ümumşəhər iməciliyi təşkil edilib. Şəhər İcra Hakimiyyəti qurumlarının əməkdaşlarının iştirakı ilə səhər saatlarından başlanan iməcilik şəhərin bütün ərazisini əhatə edib. İməclik zamanı kommunal xidmətləri tərəfindən şəhərdə prospekt və küçələrin, səki kənarlarının və işıq dirəklərinin, yol kənarındakı məhəccərlərin, park və istirahət yerlərində oturacaqların yuyulub təmizlənməsi həyata keçirilib.

İməclikdə həm də küçələr boyunca yerləşən ictimai iaşə, ticarət və digər obyektlərin vitrinləri, köşklər və avtobus dayanacaqları yuyulub, ətrafı təmizlənib. Bu işlərdə ictimai iaşə, mağaza və digər obyektlərin əməkdaşları da fəallıq göstərib, iməclikdə şəhər sakinləri də yaxından iştirak ediblər.

Yevlax Şəhər Mənzil Kommunal Təsərrüfatı Birliyinin əməkdaşları tərəfindən güclü külək nəticəsində sınan ağaclar kəsilərək götürülüb, sınmış budaqları budanıb, ərazi təmizlənib, həmçinin həmişəyaşıl ağacların bir qismi yuyulub, şəhərin yaşayış məhəllələrində, yol kənarlarında əlavə təmizlik işləri görülüb. Dam örtükləri zədələnən binaların həyərlərinə toplanan tullantılar daşınıb, dam örtüklərinin bərpası ilə bağlı hazırlıq işlərinə başlanılıb.

İməclik tədbirləri gün ərzində keçirilib və təbii fəlakətin fəsaflarının tam şəkildə aradan qaldırılması üçün əlavə tədbirlər də görülür.

Keçidlər