Yevlaxda Ulu Öndər Heydər Əliyevin anadan olmasının 100 illiyinə həsr edilmiş “Nurlu ömrün anları” tamaşası nümayiş etdirilmişdir
12 iyul 2023 | 15:04
Yevlaxda Ulu Öndər Heydər Əliyevin anadan olmasının 100 illiyinə həsr edilmiş “Nurlu ömrün anları” tamaşası nümayiş etdirilmişdir
İrəvan Dövlət Azərbaycan Dram Teatrının aktyorları tərəfindən Yevlax şəhərindəki B.Səfəroğlu adına Xalq Teatrının səhnəsində Əməkdar mədəniyyət işçisi, şair-dramaturq İftixar Piriyevin müəllifi olduğu Ümummilli Lider Heydər Əliyevin anadan olmasının 100 illiyinə həsr edilmiş “Nurlu ömrün anları” tamaşası nümayiş etdirilmişdir.
Tamaşanın nümayişinə həs edilmiş tədbirdə Yevlax Şəhər İcra Hakimiyyəti Başçısının müavini-İctimai siyasi və humanitar məsələlər şöbəsinin müdiri Elnarə Əzizova, mədəniyyət işçiləri şəhər ictimaiyətinin nümayəndələri iştirak ediblər.
Çıxış edənlər Ulu Öndər Heydər Əliyevin Azərbaycan mədəniyyətinin inkişafına verdiyi töhvələrdən danışıb, Ümummilli Liderin zəngin irsinin, fəaliyyətinin və ideyalarının indiki və gələcək nəsillər üçün örnək olduğu bildiriblər. Hər bir azərbaycanlının qəlbində Ulu Öndər Heydər Əliyevə böyük sevgi və dərin minnətdarlıq hissinin olduğunu, onun əziz xatirəsinin daim qəbimizdə yaşayacağını vurğulayıblar.
Müstəqil Azərbaycanın memarı, Ümummilli Lider Heydər Əliyevin zəngin və mənalı həyatına, onun siyasi fəaliyyətinə, azərbaycançılıq və dövlətçilik məfkurəsinə həsr olunan tamaşa izləyicilər tərəfindən maraqla qarşılanıb.
Keçidlər
