Yevlaxda şəhid övladının ad günü qeyd edilib
30 iyul 2022 | 18:30
Yevlaxda şəhid övladının ad günü qeyd edilib
Bu gün 44 günlük Vətən Müharibəsində qəhrəmanlıq göstərərək Şəhidlik adlı uca zirvəyə yüksəlmiş igid oğullarımızdan olan Rüstəmli Emin Səid oğlunun bizlərə yadigar qız övladı Rüstəmova Nərmin Emin qızının 4 yaşı tamam olur.
Yevlax Şəhər İcra Hakimiyyəti Başçısı aparatının sektor müdiri Cavid Şirinov və Dövlət İdarələri və İctimai Xidmət İşçiləri Həmkarlar İttifaqının Yevlax rayon Komitəsinin sədri Feyzulla Abbasov ad günü münasibəti ilə şəhidin ailəsini ziyarət edərək, Nərmini təbrik edib, ona hədiyyələrini təqdim ediblər.
Görüşdə şəhidin ailə üzvləri ilə səmimi söhbət edilib, ailəyə nəvələri ilə bağlı xoş arzular çatdırılıb,Müzəffər Ali Baş Komandan, Möhtərəm Prezidentimiz Cənab İlham Əliyevin, Birinci Vitse-Prezidentimiz hörmətli Mehriban xanım Əliyevanın şəhidlərimizin ailələrinə göstərilən diqqət və qayğıdan bəhs edilib, bu qayğının bundan sonra da davam etdiriləcəyini vurğulanıb.
Şəhidin ailə üzvləri Nərminin ad gününü təbrik edilməsini şəhidlərin ailələrinə göstərilən növbəti qayğı kimi qiymətləndirərək, göstərilən diqqət və qayğıya görə Ölkə Prezidenti, Müzəffər Ali Baş Komandan Cənab İlham Əliyevə, Birinci Vitse-Prezident hörmətli Mehriban xanım Əliyevaya minnətdarlığını bildiriblər.
Keçidlər
