Yevlaxda şəhid ailələri ilə görüş keçirilmişdir
24 avqust 2024 | 11:10
Yevlaxda şəhid ailələri ilə görüş keçirilmişdir
Yevlax Şəhər İcra Hakimiyyəti tərəfindən bir qrup şəhid ailələri ilə görüş keçirilmişdir.Çay süfrəsi ətrafında səmimi atmosferdə keçirilən görüşdə Yevlax Şəhər İcra Hakimiyyətinin Başçısının müavini-İctimai-siyasi və humanitar məsələlər şöbəsinin müdiri Elnarə Əzizova, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Vasif İsayev tərəfindən şəhid ailələri ilə səmimi söhbət aparılmışdır. Söhbət zamanı vətənimizin azadlığı və ərazi bütövlüyümüz uğrunda canlarını fəda edən Şəhidlərimizin göstərdikləri qəhramanlıqlarlarından söhbət açılmış, hər bir Şəhidimizin şərəfli həyat yolunun gələcək nəsillərimiz üçün örnək olduğu vurğulanmışdır.
Görüşdə Möhtərəm Prezidentimiz, Müzəffər Ali Baş Komandanımız cənab İlham Əliyevin, Birinci vitse-prezidentimiz hörmətli Mehriban xanım Əliyevanın Şəhid ailələrinə göstərdiyi diqqət və qayğısından bəhs edilmiş, bu istiqamətdə dövlətimizin həyata keçirdiyi sosial proqramların sürətlə və ardıcıllıqla reallaşdığından danışılmışdır.
Səmimi davam edən görüşdə Şəhid ailələri dövlət tərəfindən onlara göstərilən diqqət və qayğıdan məmnun qaldıqlarını, buna görə Müzəffər Ali Baş Komandanımız cənab İlham Əliyevə və Birinci vitse-prezidentimiz hörmətli Mehriban xanım Əliyevaya öz minnətdarlıqlarını ifadə etmişlər.
Keçidlər
