Yevlaxda Olimpiya İdman Kompleksinin tikintisi davam etdirilir
11 noyabr 2024 | 12:13
Yevlaxda Olimpiya İdman Kompleksinin tikintisi davam etdirilir
Olimpiya İdman Kompleksinin təməli 2024-cü ildə qoyulub. Kompleksin sahəsi 4 hektar, ümumi tikinti sahəsi isə 0.7 hektardır. Baş plana əsasən, Olimpiya binasının A blokunda üzgüçülük zalı, B blokunda kafe-restoran, mehmanxana kompleksi, inzibati idarə, C blokunda 1000 nəfərlik universal idman zalı (voleybol, mini futbol, boks), D blokunda güləş zalı, F blokunda boks və ağır atletika üzrə məşq zalı quraşdırılacaqdır.
A, B ,C, D və F bloklarında monolit dəmir-beton işləri başa çatmaq üzrədir. Güləş və boks zalında 24 metrlik fermalar quraşdırılımışdır.
Həmçinin, kompleksin ərazisində 1000 nəfər tamaşaçı yerlik tribunası olan futbol stadionu, voleybol meydançası, avtomobil dayanacağı, Olimpiya parkı, kompleksi istiliklə təchiz edəcək qazanxana, transformator yarımstansiyası, nasosxana, içməli və yanğına qarşı su anbarları, gözətçi binası inşa ediləcək, geniş abadlıq işləri aparılacaqdır.
Keçidlər
