Yevlaxda Od çərşənbəsi qeyd edilmişdir

04 mart 2025 | 19:55

Təbiətin, həyatın oyanması Novruzdan başlanır və Azərbaycan xalqı bunu çox təntənəli və həm də hələ bir ay qalmışdan qeyd etməyə başlayır. Novruz bayramı dörd əsas çərşənbəni – Su, Od, Yel və Torpaq çərşənbələrini özündə birləşdirir. Bunlardan ikincisi Od çərşənbəsidir. Adət-ənənəyə görə, bu gün insanlar tonqal qalayıb, alovun üzərindən tullanmaqla daxildə olan bütün çirkabı və azar-bezarları yandırırlar. Od, tonqal istiliyin rəmzidir və yazın gəlişi də havaların isinməsinin əsas göstəricisidir.

Yevlaxda hər il olduğu kimi bu il də od çərşənbəsi xüsusi qeyd olunmuşdur. Belə ki,martın 4-də Yevlax Şəhər İcra Hakimiyyəti tərəfindən təşkil olunan Od çərşənbəsinə həsr olunmuş tədbirdə bayram tonqalı qalanmış, Şəhər Yaradıcılıq Evinin kollektivlərinin hazırladıqları bayram əhval-ruhiyyəli proqram, Novruz bayramına həsr olunmuş şən musiqilər, gözəl rəqslər sakinlərə xoş ovqat bəxş etmişdir.

Novruz personajları Kosa və Keçəlin mərasimə gəlməsi isə bayram tədbirinə rəng qatmışdır.

Keçidlər