Yevlaxda “Müharibə veteranlarının hüquqi maarifləndirilməsi" mövzusunda seminar keçirilmişdir
26 iyul 2024 | 21:49
Yevlaxda “Müharibə veteranlarının hüquqi maarifləndirilməsi" mövzusunda seminar keçirilmişdir
Yevlax Bələdiyəsinin inzibati binasında keçirilən seminarda Yevlax Şəhər İcra Hakimiyyəti Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Vasif İsayev, “Azərbaycan Vətən Müharibəsi Veteranları" İctimai Birliyinin sədr müavinləri Vahid Əbdülrəhmanov, Qurban Osmanov, "Azərbaycan Vətən Müharibəsi Veteranları" İctimai Birliyinin Yevlax rayon şöbəsinin sədri Şahin Məmmədov və Yevlax rayonundan olan müharibə iştirakçıları iştirak ediblər. Seminarda çıxış edən Yevlax Şəhər İcra Hakimiyyəti Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Vasif İsayev ölkəmizin ərazi bütövlüyü uğrunda canından keçmiş şəhidlərin ailələrinə, müharibə əlillərinə dövlət tərəfindən hər zaman böyük diqqət və qayğı göstərildiyi bildirərək, Müzəffər Ali Baş Komandan cənab İlham Əliyevin və Birinci vitse-prezidentimiz hörmətli Mehriban xanım Əliyevanın tapşırıq və göstərişləri ilə bu kateqoriyadan olan insanların sosial müdafiəsinin möhkəmləndirilməsi istiqamətində həyata keçirilən kompleks tədbirlərin bunun bariz nümunəsi olduğunu qeyd etmişdir.
Sonra çıxış edən “Azərbaycan Vətən Müharibəsi Veteranları" İctimai Birliyinin sədr müavini Vahid Əbdülrəhmanov, İctimai Birliyinin Yevlax rayon şöbəsinin sədri Şahin Məmmədov bildirmişlər ki,vətənin müstəqilliyi uğrunda canından keçən şəhidlərimizə, onların ailə üzvlərinə, Qarabağ müharibəsi əlillərinə və veteranlarına olan qayğı həmişə yüksək səviyyədə olmuşdur. Şanlı Ordumuz Azərbaycan xalqının 30 ilə yaxın davam etmiş vətən, torpaq həsrətinə son qoydu, torpaqlarımız düşmən işğalından azad edildi. Bu qələbə Müzəffər Ali Baş Komandanın da həmişə vurğuladığı kimi, şəhidlərimizin canları, müharibə əlillərinin sağlamlığı, cəsur zabit və əsgərlərimizin qəhrəmanlığı, şücaəti nəticəsində əldə olunmuşdur. Hər bir azərbaycanlı bu qələbə sevincini xalqımıza yaşadanlara minnətdardır. Dövlətimiz Vətən uğrunda canından keçmiş şəhidlərimizin ailələrinə, müharibə əlillərinə, torpaqlarımızın düşmən işğalından azad olunmasında qəhrəmanlıq göstərmiş bütün döyüşçülərimizə diqqət və qayğı ilə yanaşır. Müharibə iştirakçıları dövlətin onlara göstərdiyi yüksək diqqət və qayğıya görə Dövlətimmizin başçısı, Müzəffər Ali Baş Komandan cənab İlham Əliyevə təşəkkür və minnətdarlıqlarını bildiriblər.
Keçidlər
