Yevlaxda minifutbol üzrə turnirin final oyunu keçirilmişdir
21 avqust 2024 | 14:50
Yevlaxda minifutbol üzrə turnirin final oyunu keçirilmişdir
Yevlax şəhərinin Qanboy Quliyev küçəsi 3 və 4, Zərdabi küçəsi 2,Yeni Yevlax küçəsi 5, Nizami prospekti 44, 46, 48 ünvanlarda yerləşən binaları əhatə edən, sakinlərin asudə vaxtlarını səmərəli keçirməsi üçün hər cür şərait yaradılmış abadlaşdırılmış həyətdə Yevlax Şəhər İcra Hakimiyyətinin dəstəyi Mərkəzi Aran Regional Gənclər və İdman İdarəsinin Yevlax Şəhəri üzrə Gənclər və İdman sektorunun təşkilatçılığı ilə 6 komanda arasında keçirilən minifutbol üzrə turnirin “Karvan-2” və “Ulduz-1” komandaları arasında final oyunu keçirilmişdir. Final oyunundan əvvəl Yevlax Şəhər İcra Hakimiyyəti Başçısının müavini-İctimai-siyasi və humanitar məsələlər şöbəsinin müdiri Elnarə Əzizova Müzəffər Ali Baş Komandan cənab İlham Əliyevin və Birinci vitse-prezident Mehriban xanım Əliyevanın idman sahələrinə göstərdiyi diqqət və qayğıdan bəhs edərək, finalçılara uğurlar arzulamışdır.
Mərkəzi Aran Regional Gənclər və İdman İdarəsinin Yevlax Şəhəri üzrə Gənclər və İdman sektorunun müdiri Samir Kərimov iştirakçıları salamlayaraq finala çıxan komandaların üzvlərinin hər birini finala çıxmaları münasibətilə təbrik etmiş, belə yarışların keçirilməsinin insanların asudə vaxtının səmərəli təşkilinə və ümumilikdə minifutbol idman növünün rayonda kütləviliyinin artmasına səbəb olacağını bildirmişdir.
Finalda “Ulduz-1”komandası qələbə qazanaraq yarışın qalibi olmuşdur.
Keçidlər
