Yevlaxda MİDA tərəfindən inşa edilən yaşayış kompleksində tikinti işləri davam etdirilir
03 noyabr 2024 | 11:02
Yevlaxda MİDA tərəfindən inşa edilən yaşayış kompleksində tikinti işləri davam etdirilir
Yevlax şəhəri, Rəşad Budaqov küçəsində Mənzil İnşaatı Dövlət Agentliyinin növbəti layihəsi olan Yevlax Yaşayış Kompleksinin inşası davam etdirilir.
Xatırladaq ki,tikintisi davam etdirilən yaşayış kompleksinin ümumi sahəsi 1,9 hektar təşkil edir. Yaşayış kompleksi 7 mərtəbəli olmaqla 6 binadan ibarətdir. Bu binalarda ümumilikdə 329 mənzil olacaq ki, onlardan 14-nün studio tipli, 28-nin 1 otaqlı, 84-nün 2 otaqlı, 139-nun 3 otaqlı, 64-nün 4 otaqlı olması nəzərdə tutulur. Studio tipli mənzillərin sahəsi 43,1 – 43,4 kvadratmetr, 1 otaqlı mənzillərin sahəsi 45,4 kvadratmetr, 2 otaqlı mənzillərin sahəsi 58,6 – 86,6 kvadratmetr, 3 otaqlı mənzillərin sahəsi 73,9 – 98 kvadratmetr, 4 otaqlı mənzillərin sahəsi 102,4 – 129,1 kvadratmetr təşkil edəcək. Bütün mənzillər tam təmirli və mətbəx mebeli ilə təchiz olunmuş vəziyyətdə vətəndaşlara təklif olunacaq. Yaşayış binaları ilə yanaşı ərazidə sakinlər üçün istirahət guşələri yaradılacaq.
Keçidlər
