Yevlaxda “Heydər Əliyev İli” çərçivəsində “Uşaqlar bizim gələcəyimizdir” mövzusunda aztəminatlı ailələrin övladları üçün bayram şənliyi keçirilib
21 dekabr 2023 | 21:58
Yevlaxda “Heydər Əliyev İli” çərçivəsində “Uşaqlar bizim gələcəyimizdir” mövzusunda aztəminatlı ailələrin övladları üçün bayram şənliyi keçirilib
Yevlax Şəhər İcra Hakimiyyəti və YAP Yevlax rayon təşkilatının birgə təşkilatçılığı ilə “Heydər Əliyev İli” çərçivəsində “Uşaqlar bizim gələcəyimizdir” mövzusunda aztəminatlı ailələrin övladları üçün bayram şənliyi keçirilib.
Bayram tədbirində çıxış edən Yevlax Şəhər İcra Hakimiyyətinin Başçısının müavini-İctimai-siyasi və humanitar məsələlər şöbəsinin müdiri Elnarə Əzizova, YAP Yevlax rayon təşkilatının sədri Rafiq Əliyev uşaqları 31 dekabr Dünya Azərbaycanlılarının Həmrəyliyi Günü və Yeni il bayramı münasibəti ilə təbrik edərək, onlara bol ruzi və əmin-amanlıq arzulayiblar, onlara firavan gələcək və şən həyat arzulayıb, ölkəmizdə uşaqlara göstərilən dövlət qayğısından, onların hüquqlarının qorunması, sağlam böyümələri, təhsili istiqamətində görülən işlərdən danışıblar.
Qeyd edilib ki, ölkəmizdə uşaq və yeniyetmələrə, gənclərə göstərilən diqqət və qayğının, onlara yaradılan hərtərəfli şəraitin dövlət siyasətinin prioritet istiqamətlərindən biridir. Ulu Öndər Heydər Əliyev hər zaman bu sahəyə xüsusi diqqət göstərib, uşaq və yeniyetmələrin sağlam və bilikli böyümələri istiqamətində bir sıra tədbirlər həyata keçirib, müvafiq fərman və sərəncamlar imzalayıb. Bu siyasətin davamı olaraq Möhtərəm Prezidentimiz, Müzəffər Ali Baş Komandan cənab İlham Əliyev və Birinci vitse-prezident hörmətli Mehriban xanım Əliyeva tərəfindən uğurla davam etdirilir. Bildirilib ki, Heydər Əliyev Fondunun uşaqların intellektual və fiziki inkişafı ilə bağlı həyata keçirdiyi mühüm layihələrin rolu danılmazdır. Gələcəyimiz olan uşaqların xoşbəxt və firavan yaşaması onların sağlamlığı, təhsili və cəmiyyətimiz üçün layiqli vətəndaşlar kimi böyüməsi daim dövlətimizin diqqət mərkəzindədir.
Uşaqlar üçün bayram süfrəsi açılmış, onlara hədiyyələr verilmişdir. Uşaqlar yolka ətrafında mahnı oxuyub, şer söyləyib rəqs etmişlər. Bundan əlavə uşaqların əylənməsi və xoş istirahət etməsi təmin edilmişdir.
Keçidlər
