Yevlaxda 1 İyun- Uşaqların Beynəlxalq Müdafiəsi Günü münasibətilə növbəti tədbir keçirilmişdir
01 iyun 2024 | 15:56
Yevlaxda 1 İyun- Uşaqların Beynəlxalq Müdafiəsi Günü münasibətilə növbəti tədbir keçirilmişdir
Yevlax Şəhər İcra Hakimiyyətinin təşkilatçılığı ilə 1 İyun-Uşaqların Beynəlxalq Müdafiəsi Günü münasibətilə silsilə tədbirlər keçirilib. Növbəti tədbir Şəhər İcra Hakimiyyəti Başçısının müavini-İctimai siyasi və humanitar məsələlər şöbəsinin müdiri Elnarə Əzizovanın, bir sıra təhsil, mədəniyyət müəssisələrinin direktorlarının, məktəblilərin, idmançıların iştirakı ilə Yevlax Şəhər 3 saylı tam orta məktəbdə keçirilib.
Bayram tədbirində iştirak edən uşaqlar əvvəlcə Yevlax Şəhər Heydər Əliyev Mərkəzini ziyarət edərək Ümummilli Lider Heydər Əliyevin şərəfli ömür yolunun müxtəlif dövrlərini əks etdirən foto-eksponatlara baxış keçirmişlər.
Tədbirin gedişində iştirakçılar gənc idmançıların nümunəvi çıxışlarına tamaşa etmiş,həmçinin uşaqların rəsmlərindən ibarət sərgi ilə tanış olmuşlar.
Bayram tədbirində Yevlax Şəhər 1 nömrəli, 3 nömrəli, 4 nömrəli,5 nömrəli tam orta məktəblərin,Yevlax şəhər 2 nömrəli Uşaq Musiqi məktəbinin,Yevlax Şəhər Uşaq Gənclər İnkişaf Mərkəzinin şagirləri şerlər, mahnılar ifa edib, müxtəlif oyunlar nümayiş etdirərək əyləniblər.
Keçidlər
