Yevlax şəhərində növbəti səyyar qəbul keçirildi
23 yanvar 2023 | 16:26
Yevlax Şəhər İcra Hakimiyyətinin Başçısı Anar Tağıyev təsdiq olunmuş qrafikə uyğun olaraq növbəti səyyar qəbulu şəhərin Heydər Əliyev prospekti 6 və 8 saylı binaların əhatə etdiyi ərazidə yeni abadlaşdırılmış həyətdə keçirmişdir. Şəhər rəhbəri qəbulda qeyd edilən binaların sakinləri ilə yanaşı, şəhərin digər ərazilərində yaşayan sakinlərin də müraciətlərini dinləmiş, müraciətlərlə bağlı Şəhər İcra Hakimiyyətinin Başçısı Aparatının məsul şəxslərinə və aidiyyəti xidməti təşkilatların rəhbərlərinə müvafiq tapşırıqlar vermişdir.
Şəhər rəhbəri tərəfindən qəbulun gedişində vətəndaş məmnunluğunun artırılması və xidmət keyfiyyətinin yaxşılaşdırılmasının təmin olunması məqsədilə Şəhər icra hakimiyyəti ilə həm onlayn, həm də yerində görüşlər üçün yeni yaradılan “Rəqəmsal İcra Hakimiyyəti” https://rih.gov.az portalına daxil olmaqla müraciət etmək, həmçinin təklif və rəylərin verilməsi imkanının olduğu barədə sakinlərə məlumat verilmişdir.
Sakinlər həyətlərində aparılan abadlıq-quruculuq və yenidənqurma işlərinə, onlara yaradılan rahat şəraitə görə Möhtərəm Prezidentimiz, Müzəffər Ali Baş Komandan cənab İlham Əliyevə və Birinci Vitse-Prezident hörmətli Mehriban xanım Əliyevaya minnətdarlıqlarını bildirmişlər.
Keçidlər
