Yevlax Şəhər İcra Hakimiyyətinin Başçısı Qaramanlı kəndində şəhid ailələri ilə görüşdü
30 may 2023 | 17:59
Yevlax Şəhər İcra Hakimiyyətinin Başçısı Qaramanlı kəndində şəhid ailələri ilə görüşdü
Yevlax Şəhər İcra Hakimiyyətinin Başçısı Anar Tağıyev rayonun hüquq mühafizə orqanlarının rəhbərləri ilə birgə rayonun Qaramanlı kəndində Vətən Müharibəsi şəhidləri İsmayılzadə Uğur Hidayət oğlunun və Quliyev Fəhmin Yunis oğlunun ailə üzvləri ilə görüşmüşdür. Şəhər rəhbəri görüşlər zamanı Şəhid ailələri ilə çay süfrəsi arxasında səmimi söhbət apardı, onların sosial qayğıları ilə maraqlandı. Şəhid ailələri onlara göstərilən diqqət və qayğıya görə ölkə rəhbərliyinə öz təşəkkürlərini bildirmişlər.
Qeyd edək ki, İsmayılzadə Uğur Hidayət oğlu Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikası Prezidenti, Müzəffər Ali Baş Komandan cənab İlham Əliyevin müvafiq Sərəncamları ilə “Vətən uğrunda” , “Suqovuşanın azad olunmasına görə”, “Cəsur döyüşçü” medalları ilə, Quliyev Fəhmin Yunis oğlu Azərbaycan Respublikası Prezidenti, Müzəffər Ali Baş Komandan cənab İlham Əliyevin müvafiq Sərəncamları ilə “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif olunmuşlar.
Keçidlər
