Yevlax Şəhər İcra Hakimiyyətində Vətən müharibəsi iştirakçısı yüksək vəzifəyə təyin olundu
31 iyul 2023 | 16:18
Yevlax Şəhər İcra Hakimiyyətində Vətən müharibəsi iştirakçısı yüksək vəzifəyə təyin olundu
Şəhər İcra Hakimiyyəti Başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Əliyev Xaliq Zakir oğlu Şəhər İcra Hakimiyyəti Başçısının birinci müavini vəzifəsinə təyin olunmuşdur.
Qeyd edək ki, X.Əliyev Bakı Dövlət Universitetinin Fizika fakultəsini bitirib. Yevlax rayonun Nərimanabad kənd tam orta məktəbində müəllim, şəhər 3 nömrəli tam orta məktəbdə müəllim və direktor müavini vəzifələrində işləmişdir.
Vətən müharibəsində bölük komandiri kimi iştirak etmiş, Xaliq Əliyev Vətən müharibəsi veteranı, ehtiyatda olan kapitandır.
O, Azərbaycan Respublikasının Prezidenti, Müzəffər Ali Baş Komandan cənab İlham Əliyevin müvafiq Sərəncamı ilə “Hərbi xidmətlərə görə” , Azərbaycan Respublikasının Baş Nazirinin müvafiq Sərəncamı ilə isə “Vətən müharibəsi iştirakçısı” medalları ilə təltif olunmuşdur.
Keçidlər
