Yevlax Şəhər İcra Hakimiyyəti tərəfindən şəhid ailələrinin ziyarət olunması ənənəyə çevrilib
02 iyun 2024 | 12:07
Yevlax Şəhər İcra Hakimiyyəti tərəfindən şəhid ailələrinin ziyarət olunması ənənəyə çevrilib
Möhtərəm Prezidentimiz , Müzəffər Ali Baş Komandanımız cənab İlham Əliyevin tapşırıq və tövsiyələrinə uyğun olaraq Yevlax Şəhər İcra Hakimiyyətinin Başçısı Anar Tağıyev tərəfindən rayonda yaşayan Şəhid ailələri ilə görüşlərin keçirilməsi ənənəyə çevrilib .
Belə ki, mütəmadi olaraq Şəhid ailələri ziyarət edilir, ailə üzvləri ilə görüşlər keçirilir, onların qaldırdıqları məsələlərin həlli istiqamətində müvafiq işlər görülür.
Şəhər rəhbəri ilə yanaşı ŞİHB-ı aparatının məsul şəxsləri də Şəhid ailələri ilə görüşürlər. Növbəti görüş zamanı Başçının birinci müavini Xaliq Əliyev, Şəhər İcra Hakimiyyəti Başçısının müavini-Şəhər təsərrüfatı şöbəsinin müdiri İlqar Hüseynov və Şəhər İcra Hakimiyyəti Başçısının müavini-İctimai siyasi və humanitar məsələlər şöbəsinin müdiri Elnarə Əzizova 44 günlük Vətən Müharibəsi şəhidləri Əyyubov Ceyhun Savalan oğlunun, Umarov Anar Məhəmməd oğlunun, Şirinzadə Elnur Xalıqverdi oğlunun, Budaqov Rəşad Ramiz oğlunun, Quliyev Nicat Nüşrəvan oğlunun, Cəmilli Xəqani Mənsur oğlunun, Əliyev Qara Kamal oğlunun, Həsənli Seymur Qələndər oğlunun və 19-20 sentyabr 2023-cü il tarixdə Qarabağ iqtisadi rayonunda həyata keçirilən lokal xarakterli antiterror tədbirləri zamanı şəhid olmuş Ədilzadə Ədil Rövşən oğlunun ailə üzvlərini ziyarət ediblər.
Ziyarətlərdə Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuzun 44 günlük Vətən müharibəsində düşmən üzərində şanlı Zəfər qazanmasından danışılıb, şəhid ailələrinə, qazilərə dövlət tərəfindən göstərilən diqqət və qayğıdan bəhs edilib, şəhidlərin əziz xatirəsinin qəlblərdə daim yaşayacağı diqqətə çatdırılıb.Eyni zamanda qəhrəmanlarımızın şərəfli döyüş yolundan bəhs edilib, müqəddəs xatirələri anılıb.
Ziyarətlərdə Şəhid ailələrinin qayğıları dinlənilib, onların qaldırdıqları məsələlər qeydiyyata alınıb.
Şəhidlərin ailə üzvləri göstərilən diqqət və qayğıya görə Möhtərəm Prezidentimiz,Müzəffər Ali Baş Komandanımız cənab İlham Əliyevə və Birinci vitse-prezidentimiz hörmətli Mehriban xanım Əliyevaya öz minnətdarlıqlarını bildiriblər.
Keçidlər
