Yevlax Şəhər İcra Hakimiyyəti tərəfindən iftar süfrəsi təşkil edilib

Yevlax Şəhər İcra Hakimiyyət tərəfindən Ramazan ayı ilə əlaqədar iftar süfrəsi təşkil olunub.

Tədbirdə Yevlax Şəhər İcra Hakimiyyətinin Başçısı Anar Tağıyev, YAP Yevlax təşkilatının sədri Rafiq Əliyev, rayonun hüquq mühafizə orqanlarının rəhbərləri, ictimaiyyət nümayəndələri, rayonda fəaliyyət göstərən dini icmaların rəhbərləri, din xadimləri, Şəhid ailələri, qazilər,veteranlar və aztəminatlı ailələr iştirak ediblər.

Əvvəlcə Xalqımızın Ümummilli Lideri Heydər Əliyevin, Azərbaycanın dövlət müstəqilliyi və ərazi bütövlüyü uğrunda canlarından keçən qəhrəman Vətən övladlarının əziz xatirələri bir dəqiqəlik sükutla yad edildi.

İftar süfrəsində Bərdə rayonundakı Seyid Yusif Ağa ocağının nümayəndəsi Seyid Səbuhi müqəddəs Ramazan ayının fəzilətlərindən danışdı, qeyd etdi ki, Ramazan ayı insanlara Allahı sevməyi öyrədir, onlara öz iradəsini, dözümünü yoxlamaq imkanı verir, insanları təmiz vicdanlı olmağa yönəldir.

Yevlax “Cümə” məscidinin imamı Hacı Eldəniz “Qurani-Kərim”dən ayələr oxuyub, xalqımızın və dövlətimizin firavanlığı, əmin-amanlığı üçün dualar edib.

Yevlax Şəhər İcra Hakimiyyətinin Başçısı Anar Tağıyev çıxış edərək qeyd etdi ki, Ramazan həmrəylik, dostluq, qardaşlıq, sevgi, mərhəmət və ruzi ayıdır. Bu müqəddəs ayda açılan bütün iftar süfrələri ölkəmizdə ənənəvi tolerantlığı nümayiş etdirir. Şəhər rəhbəri Ölkəmizdə sabitlik, inkişaf, birlik, vicdan azadlığı və tolerantlığın Ulu Öndər Heydər Əliyev tərəfindən təməlinin qoyulduğunu və bu siyasətin Azərbaycan Respublikasının Prezidenti cənab İlham Əliyevin uğurla davam etdirdiyini vurğuladı, ölkə başçısının apardığı siyasət nəticəsində Azərbaycanda tolerantlıq ənənələrinin daha da möhkəmlənməsindən, bir çox məscid və dini ibadət yerlərinin əsaslı təmir olunmasından danışaraq bildirdi ki, Azərbaycan ərazisində yaşayan milli azlıqların hüquq və azadlıqlarının, o cümlədən etnik-mədəni dəyərlərinin qorunması dövlət siyasətinin əsas prioritetlərindən biridir. Azərbaycan Respublikasının Birinci Vitse-Prezidenti Mehriban xanım Əliyevanın azərbaycançılıq naminə, milli, mənəvi irsimizin qorunması istiqamətində, ölkə daxilində və xaricində uğurlu fəaliyyətini qeyd edərək, milli-mənəvi dəyərlərimizə göstərilən dövlət qayğısı barədə ətraflı məlumat verdi. Bildirdi ki, Ümumilli lider, Ulu öndər Heydər Əliyevin adını daşıyan Fond yarandığı vaxtdan bu günə kimi milli-mənəvi dəyərlərimizin qorunmasına xüsusi önəm verir.

Həmçinin Şəhər rəhbəri bildirdi ki, Müzəffər Ali Baş Komandan cənab İlham Əliyevin rəhbərliyi ilə Azərbaycan 44 günlük Vətən müharibəsində tarixi qələbə qazandı, ədalət bərqərar oldu və şəhid olan övladların ruhları şaddır. Azərbaycan Respublikasının ərazi bütövlüyü uğrunda canlarını qurban verən, xalqımıza qələbə sevinci, qələbə duyğusu yaşadan şəhidlərimizi daim qürurla yad edildiyini, Şəhidlərimizin döyüşlərdə göstərdikləri qəhrəmanlıqların gələcək nəsillər üçün örnək olduğunu bildirdi.

Tədbirdə iştirak edənlər Azərbaycanın bu günkü sabitliyi, inkişafı və qüdrətlənməsi üçün çalışan Azərbaycan Respublikasının Prezidenti İlham Əliyevə və Azərbaycan Respublikasının Birinci Vitse-Prezidenti Mehriban xanım Əliyevaya minnətdarlıqlarını bildirdiər.