Yeni Çobankərə kənd sakinlərinin müraciətləri dinlənilmişdir
14 noyabr 2024 | 12:37
Yeni Çobankərə kənd sakinlərinin müraciətləri dinlənilmişdir
Yevlax Şəhər İcra Hakimiyyətinin Başçısı Anar Tağıyev tərəfindən vətəndaşları narahat edən problemlərin yerində öyrənilməsi, təkliflərin dinlənilməsi məqsədilə qrafikə uyğun olaraq rayonun bütün qəsəbə və kəndlərində səyyar qəbul keçirilir.
Növbəti səyyar qəbul rayonun Yeni Çobankərə kəndində sakinləri ilə keçirilmişdir. Səyyar qəbulda Şəhər İcra Hakimiyyəti Başçısı aparatının məsul şəxsləri, rayonun hüquq-mühafizə orqanlarının, xidmət təşkilatlarının rəhbərləri və kənd sakinləri iştirak etmişlər.
Səyyarqəbul zamanı sakinləri narahat edən müxtəlif məsələlər Şəhər rəhbəri tərəfindən həssaslıqla dinlənilmişdir. Sakinlərə müraciətləri ilə bağlı müvafiq izahatlar verilmiş, qaldırılan məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verilmişdir.
Keçidlər
