Şəhid Murad Ağazadənin ailə üzvləri ziyarət olundu
09 iyul 2023 | 11:36
Şəhid Murad Ağazadənin ailə üzvləri ziyarət olundu
“Heydər Əliyev İli” çərçivəsində Yevlax Şəhər İcra Hakimiyyətinin rəhbərliyi tərəfindən şəhid ailələrinin ziyarət olunması davam etdirilmişdir.
Növbəti ziyarət zamanı Şəhər İcra Hakimiyyətinin Başçısı Anar Tağıyev Vətən Müharibəsi şəhidi Ağazadə Murad İkram oğlunun evində olub, ailə üzvləri ilə görüşüb. Görüşdə şəhidin qısa amma mənalı həyat yoluna nəzər salınıb.
Görüş zamanı Şəhər rəhbəri bildirmişdir ki, Azərbaycan Respublikasının Prezidenti Müzəffər Ali Baş Komandan cənab İlham Əliyevin və Birinci vitse-prezident, hörmətli Mehriban xanım Əliyevanın tapşırıq və göstərişlərinə uyğun olaraq şəhid ailələrinin etibarlı sosial müdafiəsinin təmin edilməsi, mənzil-məişət problemlərinin həll olunması, onlara verilən imtiyaz və güzəştlərin miqyasının genişləndirilməsi daim diqqət mərkəzində saxlanılır.
Həmçinin görüşdə Müzəffər Ali Baş Komandan cənab İlham Əliyevin rəhbərliyi ilə Rəşadətli Azərbaycan Ordusunun 44 gün davam edən Vətən müharibəsində qazandığı tarixi qələbədən danışılmış, zəfərlə başa çatan Vətən müharibəsinin dövlətçilik tariximizin şanlı səhifələrindən biri olduğu diqqətə çatdırılmışdır.
Görüşdə şəhidin atası İkram Ağayev onlara göstərilən diqqət və qayğıya görə Ölkə başçısı Müzəffər Ali Baş Komandan `cənab İlham Əliyevə və Birinci vitse-prezident hörmətli xanım Mehriban Əliyevaya minnətdarlıqlarını bildirmişdir.
Keçidlər
