Şəhid Hamlet Rəcəbovun adına olan küçəyə yeni asfalt örtüyü salınmışdır
05 noyabr 2024 | 15:13
Şəhid Hamlet Rəcəbovun adına olan küçəyə yeni asfalt örtüyü salınmışdır
Yevlax Şəhər İcra Hakimiyyəti tərəfindən şəhərdə aparılan abadlıq-quruculuq işləri çərçivəsində vətəndaşların rahat və maneəsiz gediş-gəlişini təmin etmək məqsədilə küçələr və prospektlər əsaslı şəkildə təmir olunur, səkilərə yeni bardürlər düzülür, küçələrə yeni asfalt örtüyü salınır.
Həyata keçirilən işlərin davamı olaraq Birinci Qarabağ müharibəsi zamanı Şəhidlik zirvəsinə ucalmış Hamlet Rəcəbovun adını daşıyan küçəyə yeni asfalt örtüyü salınmışdır. Uzunluğu 230 metr, eni 6 metr olan küçəyə və küçənin giriş-çıxış yollarına ümumilikdə 1680 kv metr asfalt örtüyü vurulmuşdur.
Qeyd edək ki, Şəhər İcra Hakimiyyəti tərəfindən şəhərin digər küçələrində də yol infrastrukturunun yenidən qurulması işləri aparılır, təmirə ehtiyacı olan küçələrdə və məhəllədaxili yollarda asfaltlanma işləri mərhələli şəkildə davam etdirilir.
Keçidlər
