Şəhid ailəsi ziyarət edildi

Yevlax Şəhər İcra Hakimiyyətinin Başçısı Anar Tağıyev rayonun hüquq-mühafizə orqanlarının rəhbərləri ilə birgə Azərbaycan Respublikasının Prezidenti Müzəffər Ali Baş Komandan Cənab İlham Əliyevin müvafiq Sərəncamları ilə ölümündən sonra “Vətən uğrunda”, “Suqovuşanın azad olunmasına görə” “Cəsur döyüşçü”medalları ilə təltif edilmiş şəhid Yusifli Özal İdris oğlunun ailəsini yaşadığı evdə ziyarət etdi, ailənin qayğıları ilə maraqlandı, söhbət əsanasında ŞİHB-ı bildirdi ki, Möhtərəm Prezidentimiz Cənab İlham Əliyevin bütün rəhbər şəxslərdən əsas tələbi şəhid ailələrinin həyatında heç bir problemin olmaması üçün şəhidlərin yaxınlarının daim diqqət mərkəzində saxlanılmasıdır. Şəhər Rəhbəri daha sonra qeyd etmişdir ki, Möhtərəm Prezidentimiz Cənab İlham Əliyevin imzaladığı müvafiq fərman və sərəncamlar əlil və şəhid ailələrinin sosial müdafiəsinin gücləndirilməsi istiqamətində mühüm rol oynayır. Hazırda bu istiqamətdə həyata keçirilən tədbirlər sistemli və ardıcıl xarakter daşıyır. O cümlədən ərazilərimizin işğaldan azad olunması uğrunda aparılan hərbi əməliyyatlarda iştirak edərək igidlik və şücaət göstərmiş, döyüş tapşırıqlarını uğurla yerinə yetirərək Vətən müharibəsi zamanı şəhidlik zirvəsinə yüksəlmiş igidlərimiz də orden və medallara layiq görülüb.Bu bir daha onu göstərir ki, Azərbaycan dövləti hər zaman ən ali səviyyədə bu təbəqədən olan insanların - şəhid ailələrinin, müharibə əlillərinin yanındadır və bundan sonra da bu diqqət və qayğı davam edəcəkdir.
Şəhidin ailə üzvləri onlara göstərilən diqqət və qayğıya, problemlərinə həssaslıqla yanaşıldığına görə Azərbaycan Respublikasının Prezidenti Cənab İlham Əliyevə, Birinci Vitse-Prezident hörmətli Mehriban xanım Əliyevaya minnətdarlıqlarını bildirdilər.