Qaraməmmədli kəndində sakinlərin müraciətləri dinlənildi

Qaraməmmədli kəndində sakinlərin müraciətləri dinlənildi
Vətəndaş müraciətlərinə həssaslıqla yanaşılması və qaldırılan məsələlərin diqqətlə araşdırılıb həllinə nail olunması ilə bağlı Möhtərəm Prezidentimiz, Müzəffər Ali Baş Komandan Cənab İlham Əliyevin qarşıya qoyduğu vəzifələr Yevlax Şəhər İcra Hakimiyyəti tərəfindən uğurla icra edilir.
Şəhər İcra Hakimiyyətinin Başçısı Anar Tağıyev Şəhər İcra Hakimiyyətinin inzibati binasında həyata keçirdiyi qəbullarla yanaşı vətəndaşlara daha yaxın olmaq, mövcud problemlərin yerindəcə öyrənilərək həllini sürətləndirmək məqsədilə səyyar qəbullar həyata keçirir.
Müəyyən edilmiş qrafikə uyğun olaraq hər həftənin 4-cü günü Şəhər Rəhbəri səyyar qəbul keçirir. Növbəti səyyar qəbul rayonun böyük və qədim yaşayış məskənlərindən olan Qaraməmmədli kəndində keçirildi. Qəbulda Şəhər İcra Hakimiyyəti Başçısı Aparatının, hüquq-mühafizə orqanlarının, təhsil, səhiyyə, mədəniyyət idarələrinin və xidmət təşkilatlarının rəhbər işçiləri və kənd sakinləri iştirak edirdi.
Səyyar qəbul zamanı sakinlərin səsləndirdikləri işlə təmin olunma, əkin sahələrinin suvarılması, ünvanlı sosial yardımın təyin edilməsi və sair mövzularda müraciət və təkliflər həssaslıqla dinlənildi, qaldırılan məsələlər aidiyyəti məsul şəxslərin iştirakı ilə yerində araşdırılaraq həlli ilə bağlı tədbirlər müəyyənləşdirildi. Həlli vaxt tələb edən məsələlər araşdırılması üçün nəzarətə götürüldü.
Qəbuldan razı qalan sakinlər onlara yaradılan şəraitə, Ölkəmizdə aparılan abadlıq quruculuq işlərinə, vətəndaşların sosial rifah halının yaxşılaşdırılması üçün atılan addımlara görə Ölkə Rəhbərliyinə minnətdarlıqlarını bildirdilər.