Növbəti səyyar qəbul zamanı Qaraoğlan kənd sakinlərinin müraciətləri dinlənildi
19 oktyabr 2023 | 12:45
Növbəti səyyar qəbul zamanı Qaraoğlan kənd sakinlərinin müraciətləri dinlənildi
Yevlax Şəhər İcra Hakimiyyətinin Başçısı Anar Tağıyev növbəti səyyar qəbulunu rayonun Qaraoğlan kənd sakinləri ilə keçirib. Qaraoğlan kənd tam kənd orta məktəbinin akt zalında keçirilən qəbulda ŞİH Başçısının müavinləri, aparatın şöbə müdirləri, rayonun hüquq mühafizə orqanlarının və xidmət sahələrinin rəhbərləri iştirak ediblər.
Şəhər İcra Hakimiyyətinin Başçısı Anar Tağıyev Azərbaycan Respublikasının Prezidenti, Müzəffər Ali Baş Komandan cənab İlham Əliyev tərəfindən qəbul edilən, əhalinin sosial müdafiəsinə və rifah halının yüksəldilməsinə yönəldilmiş son qərarlardan danışaraq bütün bunların vətəndaşlara olan dövlət qayğısının göstəricisi olduğunu bildirib.
Səmimi söhbət əsasında keçən qəbulda sakinlər onları narahat edən bir sıra məsələləri qeyd ediblər. Qaldırılan məsələlərin bir qismi yerində həll olunub, həlli vaxt tələb edən məsələlər nəzarətə götürülüb və həlli ilə bağlı aidiyyəti təşkilat rəhbərlərinə müvafiq tapşırıqlar verilib.
Görüşün sonunda qəbulda iştirak edən sakinlər onlara göstərilən diqqət və qayğıya görə Ölkə Prezidenti, Müzəffər Ali Baş Komandan cənab İlham Əliyevə və Birinci vitse-prezident hörmətli Mehriban xanım Əliyevaya öz minnətdarlıqlarını bildiriblər.
Keçidlər
