Növbəti ənənəvi səyyar qəbul Aşağı Salamabad kəndində keçirildi
08 iyun 2023 | 13:09
Növbəti ənənəvi səyyar qəbul Aşağı Salamabad kəndində keçirildi
Yevlax Şəhər İcra Hakimiyyəti Başçısı Anar Tağıyev tərəfindən növbəti ənənəvi səyyar qəbul rayonun ən böyük yaşayış massivlərindən olan Aşağı Salamabad kəndində keçirildi. Aşağı Salamabad kənd tam orta məktəbin həyətində, açıq səma altında keçirilən qəbulda Şəhərin hüquq mühafizə orqanlarının, aidiyyəti xidmət təşkilatlarının rəhbərləri və kənd sakinləri iştirak etmişlər.
Kənd sakinlərinin müxtəlif mövzularda müraciətləri dinlənildi, həlli mümkün məsələlər barədə aidiyyəti qurumlara tapşırıq və tövsiyyələr verildi. Şəhər İcra Hakimiyyətinin səlahiyyətlərindən kənar müraciətlərlə bağlı sakinlərə müvafiq izahatlar verildi. Şəhər rəhbəri qəbulda həmçinin taxıl bitkilərinin biçininin vaxtında və itkisiz başa çatdırılması məqsədilə aidiyyəti qurumlar tərəfindən taxılbiçən kombaynların kifayət qədər hazırlandığını kənd sakinlərinin nəzərinə çatdırdı.
ŞİH Başçısı səsləndirilən məsələlərə münasibət bildirərək onların tezliklə öz həllini tapması üçün əlaqədar təşkilatların rəhbərlərinə xüsusi tapşırıqlar verdi.
Sonda sakinlər onlara yaradılmış şəraitə, ölkəmizdəki aparılan qlobal və dinamik inkişafa , onlara yaradılmış nümunəvi həyat və sosial şəraitə, göstərilən diqqətə, qayğıya görə ölkə başçısı, Müzəffər Ali Baş Komandan cənab İlham Əliyevə, Birinci Vitse-Prezident hörmətli Mehriban xanım Əliyevaya səmimi minnətdarlıqlarını ifadə etdilər.
Keçidlər
