Meyvəli qəsəbəsində səyyar qəbul keçirildi

Yevlax Şəhər İcra Hakimiyyətinin Başçısı Anar Tağıyev növbəti səyyar qəbulu rayonun Meyvəli qəsəbəsində keçirmişdir. Qəbulda Şəhər İcra Hakimiyyəti Başçısı aparatının məsul şəxsləri, rayonun hüquq-mühafizə orqanlarının, aidiyyəti xidməti təşkilatların rəhbərləri və sakinlər iştirak etmişlər. Qəbul zamanı Şəhər rəhbəri tərəfindən sakinlərin müxtəlif məzmunlu müraciətləri dinlənilmişdir.
Sakinlər ölkəmizin daha da qüdrətlənməsi, ərazi bütövlüyümüzün təmin olunması, xalqımızın rifahı və tərəqqisi naminə atılan addımlara görə, şəhid ailələrinə, müharibə əlillərinə və iştirakçılarına göstərilən diqqətə, qayğıya görə Möhtərəm Prezidentimiz, Müzəffər Ali Baş Komandan cənab İlham Əliyevə, Birinci Vitse-Prezident hörmətli Mehriban xanım Əliyevaya minnətdarlıqlarını bildirmişlər.
Qəbulun gedişində rayonda həyata keçirilən abadlıq-quruculuq işləri barədə məlumatlar verilmiş, sakinləri maraqlandıran digər məslələr barədə söhbət aparılmışdır. Sakinlərə vətəndaş məmnunluğunu artırmaq və xidmət keyfiyyətinin yaxşılaşdırılmasının təmin olunması məqsədilə rayon icra hakimiyyəti ilə həm onlayn, həm də yerində görüşlər üçün yeni yaradılan “Rəqəmsal İcra Hakimiyyəti” https://rih.gov.az portalına daxil olmaqla müraciət etmək, həmçinin təklif və rəylərin verilməsi imkanının olduğu barədə məlumat verildi.
Qəbulda edilən müraciətlərlə bağlı Şəhər İcra Hakimiyyətinin Başçısı aidiyyəti təşkilatların məsul şəxslərinə müvafiq tapşırıqlar vermişdir.