Yevlaxda Şəhidin ad günü qeyd edilib
Yevlax Şəhər İcra Hakimiyyətinin, YAP Yevlax Rayon Təşkilatının, Yevlax şəhər Təhsil Şöbəsinin və şəhər UGİŞM-in əməkdaşları Vətən müharibəsi şəhidi Cəbrayılov Rahib Ramin oğlunun doğum günü münasibətilə rayonun Quşçu kənd qəbirstanlığındakı məzarını ziyarət edib, önünə gül dəstələri düzərək əziz xatirəsini böyük ehtiramla yad ediblər. Şəhid ailəsinin nümayəndələrinin,rayon sakinlərinin iştirak etdiyi mərasimdə, şəhidin ruhuna dualar oxunub,məktəblilərin onun xatirəsinə hazırladığı bədii kompozisiya dinlənilib. Tədbir çərçivəsində ənənəyə sadiq olaraq Yevlax şəhər UGİŞM-nin şəhidin xatirəsinə həsr etdiyi idmanın şahmat növü üzrə rayon turnirinin qaliblərinə fəxri-fərmanlar təqdim olunub.Şəhidin ailə üzvlərinə başsağlığı verilib, keçdiyi şərəfli həyat və döyüş yolundan geniş bəhs edilib.
