9 MAY QƏLƏBƏ GÜNÜNDƏ
MÜHARİBƏ İŞTİRAKÇILARINI TƏBRİK ETMİŞLƏR
Çoxmillətli Sovet ordusunun sıralarında rəşadətlə vuruşaraq 73 il bundan öncə alman-faşist işğalçıları üzərində qazandıqları şanlı qələbənin sevincini yaşamış yevlaxlı həmyerlilərimizdən bu günümüzə yalnız 7 nəfəri sağ qalmışdır.Möhtəşəm qələbinin ildönümü günü mayın 9-da Yevlax Şəhər İcra Hakimiyəti Başçısı Aparatının ictimai-siyasi və hümanitar məsələlər şöbəsinin müdir müavini Hümbət Əhmədov, Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsinin rəisi polkovnik Elxan Heydərov, şöbənin əməkdaşı Elçin Cabbarov və respublika Müharibə, Əmək və Silahlı Qüvvələr Veteranları təşkilatının Yevlax şəhər filialının sədri, ehtiyatda olan kapitan Rövşən Məmmədovdan ibarət nümayəndə heyəti hədiyyə və gül-çiçək buketləri ilə qəhrəman keçmişimizin yadigarlarının görüşünə gedərək onları təbrik etmiş, acılı-şirinli müharibə xatirələrini dinləmiş, hər birinə möhkəm cansağlığı arzulamışlar.