PAMBIQ TƏDARÜKÜ DAVAM EDİR
Rayonumuzun “ağ qızıl” becərənləri gərgin zəhmət bahasına yetişdirdikləri məhsulun bir qramının belə itkiyə getməməsi üçün əllərindən gələni əsirgəmir, onun tarlalardan son qozasınadək toplanıb dövlətə təhvil verilməsi işini yenə də davam etdirirlər. Mövsümün əvvəlindən dekabrın 14-dək pambıq plantasiyalarından 3278 ton 979 kiloqram ixrac yönümlü məhsul toplanıb tədarük məntəqələrinə təhvil verilmişdir.
Dekabrın 14-də sahələrdən 11 ton 22 kiloqram məhsul toplanmışdır. Həmin məhsulun 1 ton 267 kiloqramı maşınlarla yığılmışdır.
“MKT-Yevlax” filialının xətti ilə mövsümün əvvəlindən dekabrın 14-dək pambıq plantasiyalarından 2728 ton 905 kiloqram qiymətli texniki bitki-el sərvəti tədarük olunmuşdur. Dekabrın 13-də isə filialın pambıq qəbulu məntəqəsinə 6 ton 419 kiloqram “ağ qızıl” daxil olmuşdur.
“Rayon Kənd təssərrüfatı” MMC mövsümün əvvəlindən dekabrın 14-dək 550 ton 74 kiloqram mühüm strateji əhəmiyyətli məhsul tədarük etmişdir. Ayın 13-də məntəqəyə 4 ton 603 kiloqram məhsul gətirilmişdir.
Hələ sahələrdə demək olar ki, məhsul var və mülayim keçən hava kolların üzərindəki qozaların açılmasını sürətləndirir.
