2025-ci ilin birinci rübü ərzində əhalinin məşğulluğu sahəsində bir sıra tədbirlər görülmüşdür

15 aprel 2025 | 18:25

Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin köməkliyi ilə işaxtaran və işsiz şəxslərin məşğulluq imkanlarının genişləndirilməsi, işaxtarışına və özünüməşğulluğuna köməklik göstərilməsi məqsədi ilə Yevlax rayonunda 2025-ci ilin I rübü ərzində Nazirliyin Mərkəzləşdirilmiş elektron informasiya sisteminin “Əmək və Məşğulluq” altsistemində 748 nəfər işaxtaran şəxs qeydiyyata alınmışdır ki, onların 367 nəfəri qadın olmuşdur. I rüb ərzində müraciət edən vətəndaşların 160 nəfəri rayonun idarə, müəssisə və təşkilatları tərəfindən MEİS-in “Əmək və Məşğulluq” altsistemində təqdim olunmuş boş (vakant) iş yerlərinə elektron göndəriş formalaşdırılaraq müvafiq işlə təmin olunmuşdur. İşlə təmin olunanlardan 65 nəfəri qadın olmuşdur. Yevlax rayonu üzrə 2025-ci ilin I rübü ərzində 35 nəfər işsiz şəxsə işsizliyə görə sığorta ödənişi təyin edilmişdir.

2025-ci ilin I rübü ərzində 4 nəfər işsiz şəxs “özünüməşğulluq proqramı”na (bundan sonra - Proqram) cəlb olunmuşdur. Proqrama cəlb olunanlardan 1 nəfəri qadın olmuşdur.

Filial tərəfindən Yevlax rayonu üzrə 2025-ci ilin I rübü ərzində 18 nəfər (4 nəfər qadın) haqqı ödənilən ictimai işlərə cəlb olunmuşdur.

2025-ci ilin I rübü ərzində işsiz şəxslərdən 8 nəfəri peşə hazırlığı kurslarına cəlb edilmişdir.

Keçidlər