“2 Fevral-Azərbaycan Gəncləri Günü“ münasibətilə rayon gənclərinin iştirak etdiyi musiqili əyləncə proqramı təşkil edilib.
02 fevral 2023 | 17:33
Yevlax Şəhər İcra Hakimiyyətinin, YAP Yevlax rayon təşkilatının və Gənclər və İdman İdarəsinin birgə təşkilatçılığı ilə “2 Fevral-Azərbaycan Gəncləri Günü“ münasibətilə rayon gənclərinin iştirak etdiyi musiqili əyləncə proqramı təşkil edilib.
Əvvəlcə Yevlax Şəhər İcra Hakimiyyəti Başçısının müavini, İctimai-siyasi və humanitar məsələlər şöbəsinin müdiri Elnarə Əzizova və Yevlax Gənclər və İdman İdarəsinin rəisi Rəşad Bəhmənli çıxış edərək, Ümummilli Lider Heydər Əliyevin müdrik gənclər siyasətindən söhbət açıb, Azərbaycan gənclərinin bilikli,elmli və milli vətənpərvərlik ruhunda yetişdiyini, həmçinin gənclərimizin möhtərəm Möhtərəm Prezidentimiz,Müzəffər Ali Baş Komandan cənab İlham Əliyevin “Dəmir Yumruğ”u ətrafında sıx birləşdiyini diqqətə çatdıraraq, tədbirdə iştirak edən rayon gənclərini “Azərbaycan Gəncləri Günü” münasibətilə ürəkdən təbrik etmişdir.
Dövlət rəsmilərinin çıxışlarından sonra Yevlax mədəniyyət işçilərinin və rayon gənclərinin ifasında musiqili kompozisiyalar təqdim olunmuşdur.
Əyləncə proqramı ilə davam edən tədbirdə gənclərin inklüzliyini artıran oyunlar oynanılıb.
Müxtəlif janrlarda musiqi və rəqs nömrələri nümayiş etdirilib.
Gənclər asudə vaxtlarını səmərəli, şən keçirdiklərinə görə və onlara göstərilən xüsusi diqqətə görə tədbirin təşkilatçılarına minnətdarlıqlarını bildiriblər.
Keçidlər
