İMƏCİLİKLƏR KEÇİRİLİR
Qarşıdan gələn Dünya Azərbaycanlılarının Həmrəylik Günü və Yeni il bayramları münasibətilə şəhərimizdə kütləvi iməciliklər keçirilir. Baş meydanda metal, digər dekorativ və bəzək konstruksiyalardan ibarət yolka qurulur. Heydər Əliyev və Nizami prospektlərində, Ceyhun Mustafayev, Səməd Vurğun, Füzuli və digər küçələrdə də təmizlik, abadlıq, səliqə-sahman işləri görülür, mövcud yaşıllıqlara qulluq edilir, həmin ərazidəki xəzəllər və digər məişət tullantıları yığışdırılır. Bir sözlə, şəhərimizdə bayrama yüksək səviyyədjə hazırlıq gedir. Bu işdə təmir, tikinti, yaşıllıq, təmizlik, kommunal, su-kanal və digər xidmət təşkilatlarının kollektivləri ilə yanaşı rəsmi qurumlarda çalışanlar da fəallıq göstərirlər.
Qarşıdan gələn əlamətdar günlər şərəfinə şəhərimizin daha gözəl görkəmə salınması məqsədilə səliqə-sahman işləri bir neçə gün də davam etdiriləcək.
