Şəhidin ad günü qeyd edildi

Yevlaxda torpaqlarımızın bütövlüyü uğrunda gedən döyüşlərdə qəhrəmancasına şəhid olan Abışov Fərid Əlfaim oğlunun ad günü Yevlax Şəhidlər Xiyabanındakı məzarı başında qeyd edilib.
Mərasimdə Yevlax Şəhər İcra Hakimiyyətinin , YAP Yevlax rayon təşkilatının, Yevlax Şəhər Təhsil Şöbəsinin əməkdaşları, şəhidin yaxınları,Vətən Müharibəsi qaziləri iştirak ediblər.
Çıxış edənlər şəhidin keçdiyi qısa və şərəfli ömür yolundan danışıb və onun kimi şəhidlərimizin qanının yerdə qalmadığını bildiriblər. Ziyarətçilər şəhidin ailə üzvlərinə başsağlığı verib, məzarı üstünə gül dəstələri qoyaraq, ruhuna dualar oxuyub.
Sonra Yevlax Uşaq Gənclər İdman Şahmat məktəbinin keçirdiyi şəhidin xatirəsinə həsr olunmuş şahmat turnirinin qaliblərinə  Fəxri Fərmanlar, medallar və hədiyyələr şəhidin ailə üzvləri tərəfindən təqdim edilib.
Şəhidin təhsil aldığı Qoyunbinəsi kənd tam orta məktəbinin şagirdləri şəhidin xatirəsinə şerlər səsləndiriblər.
Qeyd edək ki, Fərid Abışov  27.11.1996-cı ildə Yevlax rayonunun Qoyunbinəsi kəndində anadan olub. Vətən Müharibəsi zamanı Suqovuşan istiqamətində gedən döyüşlərdə qəhrəmancasına şəhid olub. Yevlax Şəhidlər Xiyabanında dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıdığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin müvafiq Sərəncamlarına əsasən ölümündən sonra "Vətən uğrunda", "Suqovuşanın azad olunmasına görə","Cəsur döyüşçü" medalları ilə təltif edilib.
Şəhid Fərid Abışovun valideynləri onlara göstərilən diqqət və qayğıya görə ölkə Ölkə Prezidenti, Müzəffər Ali Baş Komandan cənab İlham Əliyevə, və Birinci Vitse Prezident hörmətli Mehriban xanım Əliyevaya dərin  minnətdarlıqlarını bildiriblər.