Şriftin ölçüsü :

Saytın rəngi :

MÜŞAVİRƏ KEÇİRİLMİŞDİR

11 dekabr 2018 | 16:00

MÜŞAVİRƏ KEÇİRİLMİŞDİR

Bu günlərdə FHN-in Aran Regional Mərkəzi Yevlax Şəhər İcra Hakimiyyəti  ilə birgə “2018-ci ildə rayonda Mülki Müdafiə tədbirlərinin planlaşdırılması, icrası, əhalinin mülki-müdafiə sahəsində maarifləndirilməsi işinin vəziyyəti və 2019-cu ildə qarşıda duran vəzifələr”ə həsr olunmuş müşavirə keçirmişdir.  Şəhərin idarə-müəssisə, təşkilat rəhbərlərinin, icra və bələdiyyə  qurumlarının nümayəndələrinin iştirak etdiyi müşavirəni ŞİH Başçısının birinci müavini Qənimət Qaraşov açmış, hər hansı fövqəladə hadisə baş verərkən onun fəsadlarının aradan qaldırılmasında mülki müdafiənin tələblərinə uyğun davranmağın  əhəmiyyətini vurğulamışdır.
Sonra müşavirədə ötən dövr ərzində bu istiqamətdə görülən işlər, mülki müdafiə sahəsində mövcud vəziyyət barədə söhbət  getmişdir. Həmçinin iştirakçılar qarşısında FHN-in Aran  Regional Mərkəzinin Mülki müdafiə idarəsinin rəisi mayor Elşən  Bəşirov, Regional Mərkəzin Mülki Müdafiəyə hazırlıq şöbəsinin rəisi, polkovnik-leytenant Xaqani Əliyev, Mülki Müdafiə tədbirlərinin planlaşdırılması şöbəsinin rəisi, baş leytenant Vüqar İbrahimli  qəza-xilasetmə və digər fövqəladə hallar baş verən zaman təxirəslınmaz tədbirlərin həyata keçirilməsinin, xüsusilə FHN-in regionda fəaliyyət göstərən qurumları və rayonun aidiyyati idarə, təşkilat və müəssisələri arasında qarşılıqlı əlaqələrin vacibliyindən bəhs  edən mövzularda geniş, əhatəli. öyrədici və maarifləndirici  məruzə və mühazirələrlə çıxış etmişlər.Müşavirənin sonunda iştirakçıların təklif və  müraciətləri dinlənilmiş, onları   maraqlandıran məsələlərə aydınlıq gətirilmiş, suallar ətraflı cavablandırılmışdır.

Keçidlər