Şriftin ölçüsü :

Saytın rəngi :

NAZİR İNAM KƏRİMOV YEVLAXDA GÖRÜŞ KEÇİRİB

01 iyun 2018 | 16:00

Kənd təsərrüfatı naziri İnam Kərimov mayın 23-də Yevlax Rayon Kənd  Təsərrüfatı İdarəsinin inzibati binasında Yevlax, Goranboy, Göygöl, Samux və Daşkəsəndən olan vətəndaşları qəbul edib.

Qəbuldan öncə nazir İnam Kərimov və Yevlax Şəhər İcra Hakimiyyətinin  Başçısı Qoca Səmədov ulu öndərin şəhərin baş meydanındakı abidəsini ziyarət  edərək, önünə tər çiçəklər düzüblər.
Yevlax Rayon Kənd Təsərrüfatı İdarəsinin yeni inzibati binası və iş otaqları  ilə yaxından tanış olan nazir İ. Kərimov sonra nazirliyin digər struktur rəhbərləri ilə birgə vətəndaşları qəbul edib. Həmin gün 70-ə yaxın vətəndaşın müraciətlərinə baxılıb. Qəbula gələnlər əsasən fermerlərə güzəştli kreditlərin  verilməsi, kənd təsərrüfatı texnikası və təsərrüfat suyu ilə təminat, ixtisasa  uyğun işlə təmin olunma və digər məsələlərlə bağlı müraciətlər ediblər.
Qəbula gələn vətəndaşlar onlara göstərilən diqqət və qayğıya görə Prezident İlham Əliyev cənablarına minnətdarlıqlarını bildiriblər.

Qəbulun sonunda Kənd Təsərrüfatı Nazirliyinin Baş Texniki Nəzarət  Xidməti tərəfindən 120- dən çox mexanizatorun sürücülük vəsiqələri yenisi ilə əvəz  olunub və texnikaların dövlət qeydiyyatına alınması, texniki baxış  əməliyyatları həyata keçirilib.

Keçidlər