Şriftin ölçüsü :

Saytın rəngi :

REGİONAL MÜŞAVİRƏ

22 fevral 2017 | 16:00

Fevralın 10-da Şəhər Mədəniyyət Mərkəzinin geniş akt zalında “Ərzaq məhsullarının tədarükü və təchizatı” Açıq Səhmdar Cəmiyyəti  “Tədarük və təchizat məsələlərinin müzakirəsi”nə həsr olunmuş regional  müşavirə keçirmişdir. Qeyd edək ki, Azərbaycan Respublikası Prezidenti İlham Əliyev cənablarının 11 aprel 2016-cı il  tarixli Sərəncamı  ilə   yaradılmış “Ərzaq  məhsullarının tədarükü və təchizatı” Açıq Səhmdar Cəmiyyətinin fəaliyyətinin əsas  istiqaməti ölkənin aqrar sektorunun  inkişafına nail olmaq, kənd təsərrüfatı   məhsullarının və ərzaq bolluğunun  təmin  olunmasına stimul vermək, satınalan təşkilatları-xəstəxanaları, körpələr evi-uşaq bağçalarını, təhsil müəssisələrini, digər dövlət obyektlərini vaxtında və keyfiyyətli  qida məhsulları  ilə təchiz  etməkdən  ibarətdir. Aran regionlar bölməsi  üzrə şəhərimizdə keçirilən müşavirəyə Mingəçevir,  Ucar, Ağdaş şəhər və rayonlarının İcra Hakimiyyətlərinin,  dövlət satınalan təşkilatların, həmçinin uşaq bağçalarının və xəstəxanaların nümayəndələri də dəvət olunmuşdur. Tədbiri Yevlax Şəhər İcra Hakimiyyəti Başçısının birinci müavini   Qənimət Qaraşov açaraq iştirakçılara Şəhər İcra Hakimiyyətinin Başçısı Qoca Səmədovun təbrikini  çatdırmışdır.

Müşavirədə müzakirəyə çıxarılmış həlli vacib məsələ ilə bağlı Cəmiyyətin sədr müavini Xaliq Məmmədov geniş açıqlama  vermiş, son illər dövlət başçısının rəhbərliyi  ilə  qeyri-neft sektorunda həyata keçirilən    inkişafdan söz  açmışdır. Bildirmişdir ki, Cəmiyyətin  yaranmasından qısa  vaxt keçməsinə baxmayaraq fəaliyyət dairəsi daha da genişlənmiş, paytaxtla  yanaşı 12 regionda bölmələr, 46 rayonda dayaq məntəqələri yaradılmışdır. Onu da vurğulamışdır ki, Cəmiyyət aqrar sektorda tədarük zəncirinin formalaşdırılmasına, fermerlərin  istehsal  etdikləri məhsulların tədarük  olunmasına, eləcə də satınalan müəssisələrin təchizat səviyyəsinin  yüksəlməsinə səbəb olacaqdır. Məhz  regionlarda  sizinlə bu cür   görüşlərin, monitorinqlərin, müşavirələrin və sorğuların keçirlməsində  məqsəd dövlət başçısının tapşırıqları əsasında tədarük-təchizat əməliyyatlarının səviyyəsinin yüksəldilməsini təmin etməkdir.
Regional müşavirədə həmçinin iştirakçılara satınalan təşkilatların ərzaq məhsullarına tələbatı elektron portalından istifadə qaydaları, qeydiyyatdan keçmə prosedurları ilə bağlı  təlimatlar ətraflı izah olunmuş, hər bir satınalan təşkilatın portalda öz tələbatını dövlət vəsaitlərindən düzgün  istifadə olunmaqla real ehtiyaca uyğun  yerləşdirməsinin vacibliyi qeyd  edilmişdir.
Sonra müşavirə iştirakçılarına-xüsusilə  uşaq bağçaları müdirlərinə xəstəxana nümayəndələrinə  portalla işləmək bacarıqları öyrədilmiş,  müzakirə olunan məsələ ilə bağlı səsləndirilən təkliflərə münasibət bildirilmiş, suallar  cavablandırılmışdır.
Müşavirənin  işinə  yekun  vuran ŞİH Başçısının birinci müavini Qənimət Qaraşov dövlət başçısı tərəfindən Cəmiyyətin yaradılmasını yüksək dəyərləndirmiş, bu qurumun ölkəmizdə və şəhərimizdə satınalan təşkilatların ərzaq məhsulları ilə təchizatının səviyyəsini  daha  da yüksəldəcəyini vurğulamışdır.

Keçidlər